Yn 2021/22, fe wnaethom arolygu pa mor dda y gwnaeth Heddlu Dyfed-Powys berfformio mewn 13 o feysydd plismona.
Yna graddiwyd y rhan fwyaf o’r meysydd hyn yneithriadol, yn dda, yn ddigonol, angen gwelliant neu’n annigonol.
Darllenwch ein hasesiad diweddaraf o Heddlu Dyfed-Powys isod.
Gwnaeth ein harolygiad asesu pa mor dda yw Heddlu Dyfed-Powys mewn 13 maes o blismona. Rydym yn gwneud dyfarniadau graddedig mewn 11 o’r 13 hyn fel a ganlyn:
Gwnaethom hefyd arolygu pa mor dda y mae Heddlu Dyfed-Powys yn cyflawni ei rwymedigaethau o dan y Gofyniad Plismona Strategol, a pha mor dda y mae’n diogelu’r cyhoedd rhag bygythiadau arfog. Nid ydym yn gwneud dyfarniadau graddedig yn y meysydd hyn.
Rydym yn nodi ein canfyddiadau manwl am bethau y mae’r llu yn eu gwneud yn dda ac unrhyw feysydd i’w gwella yng ngweddill yr adroddiad hwn.
Gwirfoddolodd tri llu i beilota ein dull newydd o PEEL. Dyma oedd y tri llu a wnaeth wirfoddoli:
Oherwydd bod y lluoedd hyn wedi gwirfoddoli i beilota ein dull newydd, gwnaethom gynnig ymweld â nhw eto, pan wnaethom adolygu unrhyw dystiolaeth newydd a allai newid un o’n dyfarniadau. Ni gwnaethom arolygu’r llu yn llawn eto; yn hytrach, gwnaethom ganolbwyntio ar y meysydd lle’r oeddem wedi asesu bod angen ar y llu i’w gwella yn ystod ein harolygiad cychwynnol.
Gwnaethom ein dyfarniadau cychwynnol ym mis Mai 2021 a’n dyfarniadau o’r ail hymweliad ym mis Mai 2022.
Am ragor o wybodaeth, ewch i’n gwefan i weld yr adroddiad hwn a dewiswch yr adran ‘Am y data’.
Yn 2014, cyflwynwyd ein harolygiadau effeithlonrwydd, effeithiolrwydd a chyfreithlondeb heddlu (PEEL), sy’n asesu perfformiad pob un o’r 43 heddlu yng Nghymru a Lloegr. Ers hynny, rydym wedi bod yn addasu ein dull gweithredu yn barhaus ac rydym wedi gweld y newidiadau mwyaf arwyddocaol yn ystyod y flwyddyn ddiwethaf.
Rydym yn symud tuag at ddull asesu parhaus, sy’n cael ei arwain gan ddeallusrwydd, yn hytrach na’r arolygiadau PEEL blynyddol a ddefnyddiwyd gennym mewn blynyddoedd blaenorol. Er enghraifft, rydym wedi integreiddio ein rhaglen dreigl o arolygiadau cywirdeb data troseddu i’r asesiadau PEEL hyn. Bydd ein hasesiad gwasanaeth dioddefwyr PEEL nawr yn cynnwys elfen cywirdeb data troseddu mewn pob asesiad arall o leiaf. Rydym hefyd wedi newid ein dull o lunio dyfarniadau graddedig. Rydym bellach yn asesu lluoedd o ran nodweddion perfformiad da, a nodir yn Fframwaith Asesu PEL 2021/22, ac rydym yn cysylltu ein dyfarniadau ar gyfer achosion pryder a meysydd i’w gwella yn gliriach. Rydym hefyd wedi ehangu ein system flaenorol ar gyfer llunio dyfarniadau o bedair lefel i bum lefel. O ganlyniad, gallwn ddatgan yn fwy manwl lle rydyn ni’n ystyried bod angen gwelliant ac amlygu y ffyrdd gorau o wneud pethau yn fwy effeithlon.
Fodd bynnag, mae’r newidiadau hyn yn golygu nad yw’n bosib gwneud cymariaethau uniongyrchol rhwng y graddau a ddyfarnwyd eleni a’r graddau o arolygiadau blaenorol PEEL. Nid yw gostyngiad o ran dyfarnu gradd, yn enwedig o fod yn dda i fod yn ddigonol, o reidrwydd yn golygu bod y perfformiad wedi bod yn llai, oni bai bod yn cael ei nodi gennym yn yr adroddiad.
Mae’n bwysig cydnabod bod lluoedd yng Nghymru yn gweithredu mewn cyd‑destun gwahanol i luoedd yn Lloegr. Er nad yw plismona a chyfiawnder wedi’i ddatganoli i Gymru, mae gwasanaethau hanfodol fel gofal iechyd, llety, addysg a gwasanaethau cymdeithasol yn ddatganoledig. Mae hyn yn golygu bod gweithgareddau heddlu a chyfiawnder Cymru o ran perfformiad a chyd-destunau deddfwriaethol yn unigryw. Yng Nghymru, mae sefydliadau datganoledig a rhai sydd heb gael eu datganoli yn gweithio mewn partneriaeth i ddarparu’r lefel orau bosib o wasanaeth i bobl leol.
Weithiau, mae hyn yn golygu y bydd yn rhaid i luoedd Cymru gydymffurfio â gofynion rheoleiddiol Cymru a Lloegr.
Rwy’n falch o berfformiad Heddlu Dyfed-Powys wrth gadw pobl yn ddiogel a lleihau troseddu, er bod angen iddynt wella mewn rhai meysydd er mwyn rhoi gwasanaeth da sy’n gyson.
Dyma’r canfyddiadau yr ydw i’n eu hystyried i fod y fwyaf pwysig o’n hasesiadau o’r llu dros y flwyddyn ddiwethaf.
Mae’r llu’n adnabod galwyr sy’n ffonio sawl tro a’r rhai sy’n agored i niwed, ac mae ei broses cofnodi troseddau o safon ddigonol
Mae systemau TG gwell yng nghanolfan gyfathrebu’r llu yn helpu i nodi galwyr sy’n ffonio sawl tro. Mae hyn yn golygu y gellir ystyried unrhyw fregusrwydd o ran dull y llu o drin y dioddefwr. Mae’r llu wedi gwella ei broses cofnodi troseddau ac rydym yn amcangyfrif bod Heddlu Dyfed-Powys yn cofnodi 91.6 y cant (gan gynnwys cyfwng hyder +/- 2.7 y cant) o’r holl droseddau a adroddwyd (heb gynnwys twyll).
Mae angen i’r llu wella’r ffordd y mae’n craffu ar stopio a chwilio a defnydd o rym
Nid yw’r llu yn ystyried y data yn fanwl iawn. Nid yw hefyd yn gwneud dadansoddiad i ddeall yn iawn os yw’r pwerau hyn yn cael eu defnyddio’n deg ac effeithiol. Nid yw’r ffurflenni ‘defnydd o rym’ bob amser yn cael eu cwblhau.
Mae plismona bro yn gweithio’n dda, ac mae’r llu yn blaenoriaethu atal troseddu ac yn cydweithio gydag asiantaethau eraill er mwyn datrys problemau
Mae gan y llu ddull effeithiol o ddatrys problemau. Mae’n gweithio gydag asiantaethau eraill yn y sector cyhoeddus ac yn canolbwyntio ar atal troseddu ac ymddygiad gwrthgymdeithasol a diogelu pobl sy’n agored i niwed. Mae timau bro yn cysylltu ac yn gweithio gyda’u cymunedau.
Mae’r llu yn cynnal y mwyafrif o’i ymchwiliadau ar ran dioddefwyr yn dda, ond mae angen gwella sut mae’n ymchwilio i stelcian ac aflonyddu
Gwnaethom ganfod bod ymchwiliadau yn digwydd yn effeithiol ac yn amserol, a’u bod yn cael eu cynnal gyda goruchwyliaeth briodol. Cafodd y mwyafrif o ddioddefwyr eu diweddaru drwy gydol yr ymchwiliadau. Ond, mae angen gwella safon ymchwiliadau stelcian ac aflonyddu.
Mae trefniadau effeithiol mewn lle i ddiogelu pobl sy’n agored i niwed
Mae swyddogion a staff yn deall pwysigrwydd diogelu pobl sy’n agored i niwed, ac mae’r llu’n gweithio gydag asiantaethau eraill i rannu gwybodaeth a deall bregusrwydd yn well.
Mae dealltwriaeth dda o les staff a swyddogion a sut i ddatblygu’r gweithlu
Mae’r llu yn cynnig ystod dda o gymorth lles i’w weithlu, ac yn cymryd camau i wneud ei weithlu’n fwy cynrychioliadol yn ei gymunedau.
Mae’r llu yn rhoi gwerth am arian i’r cyhoedd ac yn rheoli’r galw yn dda
Mae gan y llu ddealltwriaeth effeithiol o’r galw ym mhob maes. Mae’n sicrhau bod ganddo’r gallu a’r lle i ddiwallu a rheoli gofynion presennol a rhai yn y dyfodol yn y ffordd fwyaf effeithlon.
Dros y flwyddyn ddiwethaf, mae’r llu wedi rhoi prosesau newydd ar waith sydd wedi arwain at welliannau mewn gwahanol feysydd. Mae’r adroddiad hwn yn nodi canfyddiadau mwy fanwl yr arolygiad hwn a byddaf yn parhau i fonitro cynnydd y llu.
Arolygydd Heddlu EM
Rydym wedi nodi saith thema sy’n sail i allu llu i leihau troseddu’n effeithiol sydd, gyda’i gilydd, yn caniatáu asesiad o’r graddau y mae’r llu yn gwneud popeth o fewn ei allu i leihau troseddu. Asesiad naratif yw hwn, gan y gall ffigurau troseddau a gofnodwyd gan yr heddlu gael eu heffeithio gan amrywiadau a newidiadau mewn polisi ac ymarfer cofnodi, gan ei gwneud hi’n anodd gwneud cymariaethau dros amser.
Mae gan y llu ethos o atal troseddu. Gwelsom enghreifftiau da o broblemau yn cael eu datrys gyda gwaith dadansoddi. Mae swyddogion lleol yn gweithio gydag asiantaethau eraill i ddefnyddio tactegau ataliol, yn seiliedig ar strategaeth plismona bro gynhwysfawr.
Ffactorau eraill sy’n cyfrannu at allu’r llu i leihau troseddu yw:
Rwy’n falch bod y llu yn mynd i’r afael â’r meysydd cywir o blismona i leihau troseddu.
Ond, mae’n bosib y bydd y maes canlynol yn effeithio yn negyddol ar allu’r llu I leihau troseddu:
Mae Heddlu Dyfed-Powys yn ddigonol am ddarparu gwasanaeth i ddioddefwyr troseddau.
Mae data’r llu ar gyfer dioddefwyr troseddau yn dangos bod oedran a rhyw wedi’u cofnodi’n dda, ond nad yw ethnigrwydd a nodweddion gwarchodedig eraill wedi’u cofnodi mor dda. Dylai’r llu fod yn casglu’r wybodaeth hon er mwyn deall i ba raddau y mae troseddu yn effeithio ar bob grŵp gwarchodedig, sut mae hyn yn wahanol i’r rhai sydd heb nodweddion gwarchodedig, ac a oes angen dull gwahanol ar gyfer y dioddefwyr hyn.
O’r troseddau a adolygwyd gennym, cofnododd y llu 80 y cant (288 o 359) o fewn 24 awr, ond mae dal angen gwella’r amser y mae’n ei gymryd i gofnodi pob trosedd. Mae cofnodi troseddau heb oedi yn helpu i sicrhau bod dioddefwyr yn cael y gefnogaeth sydd angen arnynt. Mae’n hefyd yn sefydlu ymchwiliad effeithiol.
Mae’r llu wedi hyfforddi ei staff canolfan gyfathrebu, canolfan cofnodi troseddau a thimau plismona bro ar bwysigrwydd cofnodi pob trosedd pan fydd ymddygiad gwrthgymdeithasol yn cael ei adrodd gan ddioddefwyr. Mae’r broses wedi gwella, ond nid yw pob trosedd sy’n gysylltiedig ag ymddygiad gwrthgymdeithasol yn cael eu cofnodi. Mae dioddefwyr ymddygiad gwrthgymdeithasol yn aml yn profi cam-drin ac artaith am gyfnodau sylweddol, ac mae trosedd yn aml yn cael ei chyflawni gan gymdogion. Gall methu â chofnodi troseddau a darparu gwasanaeth effeithiol i fynd i’r afael ag ymddygiad gwrthgymdeithasol olygu bod dioddefwyr yn byw mewn ofn yn eu cartrefi eu hunain.
Os bydd rhywun dan amheuaeth wedi ei nodi ac mae’r dioddefwr yn cefnogi gweithredu gan yr heddlu, ond mae anawsterau amlwg yn atal rhag cymryd camau pellach, dylai’r dioddefwr gael gwybod am y penderfyniad i gau’r ymchwiliad. Defnyddiodd y llu ganlyniad 15 yn anghywir mewn sawl achos.
Defnyddiwyd canlyniad 16 yn briodol yn y mwyafrif o achosion a adolygwyd gennym. Ond os bydd rhywun dan amheuaeth wedi ei nodi ond nad yw’r dioddefwr yn cefnogi nac yn tynnu eu cefnogaeth i weithredu gan yr heddlu, dylai fod cofnod archwiliadol gan y dioddefwr, gan gadarnhau eu penderfyniad. Bydd hyn yn caniatáu i’r ymchwiliad gael ei gau. Nid oedd tystiolaeth o benderfyniad y dioddefwr mewn rhai achosion a adolygwyd gennym. Mae hyn yn golygu bod risg efallai na fydd dymuniadau’r dioddefwr yn cael eu cynrychioli a’u hystyried yn llawn cyn i’r ymchwiliad gael ei gau.
Yn yr adran hon rydym yn nodi ein prif ganfyddiadau o ran pa mor dda y mae’r llu yn darparu gwasanaeth i ddioddefwyr troseddau.
Mae’r broses cofnodi troseddau’r lle wedi gwella. Rydym yn amcangyfrif bod Heddlu Dyfed-Powys yn cofnodi 91.6 y cant (gan gynnwys cyfwng hyder o +/- 2.7 y cant) o’r holl droseddau a adroddwyd (heb gynnwys twyll). Nid yw hyn wedi newid llawer ers canfyddiadau ein harolygiad blaenorol yn 2021. Rydym yn amcangyfrif na gofnododd y llu ddim mwy na 3,600 o droseddau yn ystod blwyddyn ein harolygiad.
Rydym yn amcangyfrif bod y llu yn cofnodi 88.4 y cant (gyda chyfwng hyder o +/- 4.3 y cant) o droseddau treisgar. Nid yw hyn wedi newid llawer ers canfyddiadau ein harolygiad blaenorol yn 2021.
Rydym yn amcangyfrif bod y llu yn cofnodi 98.8 y cant (gyda chyfwng hyder o +/- 1.6 y cant) o droseddau rhywiol. Mae hwn yn welliant ystadegol arwyddocaol o’i gymharu â chanfyddiadau ein harolygiad blaenorol yn 2021, lle gwelsom 92.2 y cant (gyda chyfwng hyder o +/- 4.0 y cant) o droseddau rhywiol wedi’u cofnodi.
Mae’r llu’n ateb galwadau brys a rhai nad ydynt yn rhai brys yn ddigon cyflym. Mae’n monitro cyfraddau trin galwadau mewn cyfarfod rheoli dyddiol sy’n adolygu perfformiad ar gyfer pob cyfnod o 24 awr. Mae dangosfwrdd yn dangos gwybodaeth am y cyfraddau ateb ar gyfer galwadau brys a rhai nad ydynt yn rhai brys. Mae adnoddau’n cael eu hadolygu i sicrhau bod digon ohonynt ar gael ar gyfer y cyfnod 24 awr ganlynol. Gwneir addasiadau yn seiliedig ar y galw a ragwelir – er enghraifft, tywydd braf dros y penwythnos. Roedd y trinwyr galwadau yn gwrtais, yn broffesiynol ac yn dangos empathi tuag at alwyr ym mron pob achos a adolygwyd gennym. Defnyddiwyd asesiad risg cychwynnol strwythuredig (THRIVE) mewn 70 allan o 75 achos a adolygwyd gennym a chofnodwyd yr asesiad yn glir ar log y digwyddiad.
Mae’r llu wedi uwchraddio ei system TG i helpu i drinwyr galwadau yng nghanolfan gyfathrebu’r llu i nodi galwyr sy’n ffonio sawl tro. Gwnaeth eu hadnabod mewn 76 allan o 80 achos a adolygwyd gennym. Gwnaethpwyd gwiriadau hefyd i benderfynu os oedd y galwr yn agored i niwed mewn 76 o’r 80 achos. Mae’r wybodaeth yma’n cael ei defnyddio wrth i’r llu ystyried pa ymateb y dylai’r dioddefwr ei dderbyn.
Gwelsom fod y trefniadau ar gyfer dyrannu troseddau a gofnodwyd ar gyfer ymchwilio yn unol â pholisi’r llu. Ym mron pob un o’r achosion a adolygwyd gennym (89 o 90), dyrannwyd achosion i’r adran fwyaf priodol i’w ymchwilio yn bellach. Cafodd dioddefwyr eu diweddaru am yr ymchwiliad. Mae dioddefwyr yn fwy tebygol i deimlo’n sicr mewn ymchwiliad gan yr heddlu pan fyddan nhw’n derbyn diweddariadau yn rheolaidd.
Mae Heddlu Dyfed-Powys yn ddigonol yn ei broses cofnodi troseddau.
I gyfieithu’r cynnwys hwn i’r Gymraeg, defnyddiwch y botwm Cymraeg frig y dudalen ar y chwith.
Accurate crime recording is vital to providing a good service to the victims of crime. We inspected crime recording in Dyfed-Powys as part of our victim service assessments (VSAs). These track a victim’s journey from reporting a crime to the police, through to the outcome.
All forces are subject to a VSA within our PEEL inspection programme. In every other inspection forces will be assessed on their crime recording and given a separate grade.
You can see what we found in the ‘Providing a service to victims of crime’ chapter of this report.
Mae Heddlu Dyfed-Powys angen gwella sut mae’n trin pobl yn deg a gyda pharch.
Roedd hwn yn faes i’w wella yn arolygiad diwethaf y llu yn 2018. Mae’r cyfarfod ‘defnyddio pwerau yn foesegol’ y llu yn adolygu data stopio a chwilio. Mae’r cyfarfod yn ystyried data megis oedran, ethnigrwydd, a pha mor aml mae’r eitem sy’n cael ei chwilio amdano yn cael ei ganfod. Ond, nid yw’n ystyried y data yn fanwl iawn o hyd i wella ei ddealltwriaeth o sut i ddefnyddio’r pwerau hyn yn deg ac yn effeithiol, ac nid oes dadansoddiad manwl yn digwydd. Mae’r llu’n gallu gweld pa mor aml mae pwerau stopio a chwilio yn cael ei ddefnyddio ar unigolion o gefndiroedd lleiafrifol ethnig ac mae wedi sylwi ar anghyfartaledd wrth ddefnyddio’r pwerau hyn. Ond, nid yw’n gallu deall yn iawn eto a oes modd cyfiawnhau’r anghyfartaledd hwn, neu’r rhesymau dros pam mae’n digwydd. Mae hyn yn golygu nad yw’r llu yn gallu cymryd camau gweithredu i fynd i’r afael â hyn, os oes angen.
Roedd hwn yn faes i’w wella yn arolygiad diwethaf y llu yn 2018. Mae cyfarfod ‘defnyddio pwerau yn foesegol’ y llu wedi adolygu rhywfaint o ddata ar ddefnydd o rym yn y gorffennol. Ond nid yw’n gwneud hyn ar hyn o bryd oherwydd problemau gyda’i systemau TG a diffyg cefnogaeth ddadansoddol. Mae hyn yn peri pryder gan na fydd y llu yn gallu deall os yw’r pwerau hyn yn cael eu defnyddio’n deg ac yn effeithiol.
Mae swyddogion yn defnyddio camerâu corff mewn sefyllfaoedd lle efallai y bydd yn rhaid iddyn nhw ddefnyddio grym, ond nad ydynt bob amser yn cwblhau ffurflen ‘defnydd o rym’. Nid yw goruchwylwyr yn gwirio defnydd o’r ffurflenni hyn yn rheolaidd. Mae angen gwell canllawiau i swyddogion a goruchwylwyr ar beth mae disgwyl iddyn nhw ei wneud pan fyddant wedi defnyddio grym, a phryd y dylid llenwi ffurflenni. Mae angen archwiliad priodol ar wahanol lefelau’r llu hefyd, felly gall fod yn sicr fod y pwerau hyn yn cael eu defnyddio’n deg ac yn effeithiol.
Yn yr adran hon, rydym yn nodi ein prif ganfyddiadau sy’n ymwneud â thrin pobl yn deg a gyda pharch.
Nid yw cyfarfod ‘defnyddio pwerau yn foesegol’ y llu bellach yn cael ei gynnal mor rheolaidd ag yr oedd. Ac er bod cynrychiolwyr yn ei fynychu yn yr llu, mae angen iddo fod yn fwy cadarn wrth herio a chwestiynu’r data a’r wybodaeth i sicrhau bod gwelliannau’n cael eu gwneud. Mae angen gwella’r ffordd y mae materion pwysig yn cael eu datblygu yn y llu. Ar hyn o bryd, nid yw’r ‘bwrdd gweithrediadau arbenigol’ (y fforwm mae’r cyfarfod ‘defnyddio pwerau’r heddlu yn foesegol’ yn adrodd iddo) bob amser yn ystyried pwerau stopio a chwilio a defnyddio data a gwybodaeth y llu. Felly, mae goruchwyliaeth gyfyngedig o’r defnydd o’r pwerau hyn, ac ni all y llu fod yn sicr bod y pwerau hyn yn cael eu defnyddio’n deg ac yn briodol.
Mae panel sicrhau ansawdd Comisiynydd Heddlu a Throseddu (PCC) yn cynnwys aelodau annibynnol o’r cyhoedd sy’n ystyried agweddau gwahanol ar berfformiad y llu. Mae’n adolygu sampl o achosion lle defnyddiwyd pwerau stopio a chwilio a lle defnyddiwyd grym, drwy wylio darn ffilm fideo o gamera corff, ac yn rhoi adborth i’r llu ar welliannau y dylai eu gwneud. Adolygwyd pwerau ‘Stopio a Chwilio’ ddiwethaf ym mis Gorffennaf 2021 ac adolygwyd defnydd o rym ym mis Mai 2021.
Dangosodd swyddogion lefel resymol o ymwybyddiaeth o’r hyn sy’n sail briodol i ddefnyddio pwerau stopio a chwilio. Yn ystod ein harolygiad, gwnaethom adolygu sampl o 254 o gofnodion stopio a chwilio o 1 Ionawr 2020 i 31 Rhagfyr 2020. Yn seiliedig ar y sampl hon, rydym yn amcangyfrif bod 85.4 y cant (gyda chyfwng hyder o +/- 4.2 y cant) o’r holl chwiliadau gan y llu yn ystod y cyfnod hwn â seiliau rhesymol wedi’u cofnodi. Nid yw hyn wedi newid llawer ers canfyddiadau ein hadolygiad blaenorol yn 2019. O’r cofnodion a adolygwyd gennym ar gyfer stopio a chwilio am bobl o gefndiroedd lleiafrifoedd ethnig, roedd gan 11 o 12 sail resymol wedi ei gofnodi.
Gwnaeth swyddogion ddefnyddio camerâu corff os oeddynt yn cynnal chwiliad, ac roedd goruchwylwyr ar y cyfan yn craffu ar ffurflenni stopio a chwilio swyddogion.
Roedd rhai swyddogion yn teimlo’n llai hyderus wrth gynnal stopio a chwilio. Dylai swyddogion fod yn hyderus a phrofiadol gan wybod pryd mae stopio a chwilio yn briodol. Dylent gofnodi’r seiliau yn iawn ar gyfer unrhyw chwiliad fel y gall y cyhoedd fod yn hyderus bod chwiliadau yn cael eu cyflawni yn deg ac yn briodol.
Mae’r llu a’r PCC yn gweithio gyda chymunedau mewn nifer o ffyrdd gwahanol, megis drwy dimau plismona bro, timau troseddau gwledig a sesiynau byw cyfryngau cymdeithasol lle gall aelodau’r cyhoedd rannu eu cwestiynau a’u pryderon. Mae’r llu hefyd yn defnyddio sianeli cyfryngau cymdeithasol i dynnu sylw’r cyhoedd at faterion fel apelio am wybodaeth i helpu datrys troseddau, canlyniadau llysoedd a diweddariadau ynglyn ag ymchwiliadau sy’n denu diddordeb y gymuned. Mae’r llu a’r PCC hefyd yn cynnwys y gymuned wrth helpu’r llu i wella drwy gynnal grŵp cynghori annibynnol a phanel sicrhau ansawdd. Mae fforwm ymgysylltu â dioddefwyr wedi’i sefydlu er mwyn sicrhau bod llais y dioddefwr yn cael ei glywed mewn unrhyw raglenni newid arfaethedig. Er enghraifft, gwnaeth aelodau’r fforwm sylwadau ar becyn gwybodaeth i ddioddefwyr, sy’n amlinellu beth i’w ddisgwyl yn ystod ymchwiliad a’r gefnogaeth sydd ar gael i ddioddefwyr. Mae’r llu a’r PCC yn cydnabod yn glir bwysigrwydd anghenion, dewisiadau a phryderon gwahanol eu cymunedau, ond byddent yn elwa o werthuso’r ffyrdd mwyaf effeithiol o weithio gyda’r cyhoedd i wneud yn siŵr eu bod yn cyrraedd y gynulleidfa ehangaf bosibl.
Mae hyfforddiant y llu ar gyfer atal ymddygiad annheg a gwella sgiliau cyfathrebu effeithiol wedi ei effeithio gan y pandemig. Er hyn, dangosodd swyddogion ddealltwriaeth o’r hyn sy’n ymddygiad annheg a sut i’w wrthwynebu; dywedodd y mwyafrif ohonynt y bydden nhw’n herio cydweithwyr pe baen nhw’n teimlo nad oedd ymddygiad yn dderbyniol.
Gwnaeth swyddogion ddangos sgiliau cyfathrebu da a darparu enghreifftiau o adegau yr oedden nhw wedi defnyddio’r sgiliau hyn i ddelio â digwyddiad anodd neu ddan straen, neu wrth siarad â rhywun ag anableddau dysgu neu anghenion iechyd meddwl. Roedden nhw’n sylweddoli efallai mai dyma fydd yr unig ryngweithio rhwng yr unigolyn a’r heddlu, felly mae’n hynod o bwysig i sicrhau bod eu cyfathrebu’n briodol.
Mae Heddlu Dyfed-Powys yn dda am atal a rhwystro.
Adolygodd y llu ei ddull o blismona bro ac ystyriodd amrywiaeth o opsiynau i ailfodelu ei ddull. Gweithredodd raglen o newidiadau er mwyn sicrhau bod pwrpas a dyfodol clir i blismona bro yn y llu. Roedd hyn yn cynnwys ymgynghori sylweddol gyda’r gweithlu. Y nod oedd i dimau bro allu cyflawni eu rolau’n effeithiol, cael mynediad at yr oruchwyliaeth, adnoddau a hyfforddiant cywir, a chael eu gweld fel timau arbenigol a nad ydynt yn cael eu tynnu oddi wrth eu prif ddyletswyddau i weithio mewn rolau eraill. Cyflwynwyd y model newydd ym mis Tachwedd 2019. Mae’r holl staff yn gefnogol iawn o’r ffordd newydd o weithio ac o’r dull a gymrodd y llu at y newidiadau. Erbyn hyn, mae timau bro yn gallu datrys problemau a defnyddio patrolau wedi’u targedu, ac maen nhw’n cysylltu â’u cymunedau.
Cyflwynwyd ‘cyllidebu cyfranogol’ i’r llu ar ddechrau 2020. Ei nod yw creu cysylltiadau gweithio agosach gyda chymunedau a rhoi cyfle iddynt ddylanwadu ar benderfyniadau ynghylch sut y defnyddir arian cyhoeddus. Rhoddwyd arian i amrywiaeth o grwpiau i helpu yn null y llu o ymdrin â gwydnwch cymunedol, atal troseddu a throseddau difrifol a threfnedig.
Yn yr adran hon rydym yn nodi ein prif ganfyddiadau sy’n ymwneud ag atal a rhwystro.
Datblygwyd strategaeth plismona bro y llu yn unol â chanllawiau cenedlaethol. Mae hyn yn cysylltu â blaenoriaethau’r llu a chynllun yr heddlu a throseddu, ac yn rhoi pwrpas clir i dimau plismona bro. Mae’r strategaeth yn gosod ei phwrpas fel a ganlyn:
Mae’r llu’n deall y galwadau a roddir ar ei dimau bro ac yn lleihau’r amlder y gofynnir i swyddogion bro wneud rolau eraill yn y llu. Ers ailstrwythuro plismona bro, mae swyddogion a staff yn teimlo bod ganddynt ddealltwriaeth gliriach o’u rolau a’u cyfrifoldebau. Maen nhw’n meddwl bod eu rôl wedi cael ei broffesiynoli ac maen nhw’n teimlo eu bod yn cael eu gwerthfawrogi. Felly, maen nhw’n gallu canolbwyntio ar y gweithgareddau atal troseddu hynny sy’n gwneud y gwahaniaeth mwyaf i’r cymunedau y maen nhw’n eu gwasanaethu.
Mae’r llu wedi datblygu system TG y gellir ei ddefnyddio trwy ddyfeisiadau symudol swyddogion. Mae’n system gynhwysfawr ar sail dyddiadur sy’n caniatáu i swyddogion gofnodi eu gwaith, rhyngweithiadau, digwyddiadau ac ymrwymiadau o fewn y gymuned. Yna mae’r system yn rhoi hyn i gyd ar fap, gan ganiatáu i dimau weld y data’n fanylach. Mae’n hefyd yn dangos lleoliadau troseddau a digwyddiadau, sydd yn eu helpu i lywio gweithgareddau atal troseddu a chymunedol. Mae system TG wahanol yn dangos gwybodaeth am faint o amser mae swyddogion yn ei dreulio nad yw mewn gorsafoedd ac yn eu cymunedau. Mae hyn yn rhoi sicrwydd bod swyddogion yn gwneud y mwyaf o’u hamser yn gweithio gyda chymunedau lleol.
Mae’r llu yn defnyddio model OSARA ar gyfer datrys problemau. Mae’n defnyddio ei systemau TG i helpu gyda hyn. Mae’r ddwy system yma’n caniatáu i wybodaeth gan yr heddlu ac asiantaethau eraill gael eu cofnodi, diweddariadau i’w hychwanegu ac adolygiadau goruchwylwyr i ddigwydd. Mae gan y llu gysylltiad da gan yr asiantaethau eraill y mae’n gweithio gyda nhw wrth ddatrys problemau a gweithgareddau atal troseddu. Er enghraifft, mae’n gweithio gyda’r gwasanaeth tân ac achub, awdurdod lleol a Chyfoeth Naturiol Cymru i fynd i’r afael â gwersylla gwyllt ar y rhwydwaith ffyrdd. Bu’r llu hefyd yn gweithio gyda’r awdurdod lleol, tai a thrigolion pan ddefnyddiwyd gwesty i gartrefu pobl ddigartref. Mae’r llu’n gwerthuso ei ddull o ddatrys problemau er mwyn sicrhau bod y broses yn effeithiol. Mae’n rhannu enghreifftiau o arfer da, yn fewnol ac yn allanol, ac wedi datblygu cylchlythyr. Dylai datrys problemau yn effeithiol a gweithgareddau ymyrraeth gynnar helpu pobl sy’n agored i niwed a chymunedau ac yn lleihau’r galw ar blismona ac asiantaethau partner.
Mae Heddlu Dyfed-Powys yn dda am ymateb i’r cyhoedd.
Mae gan y llu gynllun Pegasus ar gyfer pobl sydd ag anabledd neu salwch sy’n ei gwneud hi’n anodd iddyn nhw gyfathrebu gyda’r heddlu mewn sefyllfa argyfwng neu anodd. Maen nhw’n cofrestru eu gwybodaeth ac yn rhoi cyfrinair o’u dewis. Os oes angen iddyn nhw ffonio’r heddlu wedyn, gallan nhw ddweud eu bod nhw ar gynllun Pegasus a rhoi eu cyfrinair, ac mae modd cael eu manylion yn syth. Mae hyn yn eu hosgoi rhag gorfod ailadrodd manylion personol ac yn gwneud y triniwr galwadau yn ymwybodol ei bod yn bosibl fod angen help a chefnogaeth ychwanegol arnynt.
Yn yr adran hon rydym yn nodi ein prif ganfyddiadau sy’n ymwneud â pha mor dda y mae’r llu yn ymateb i’r cyhoedd.
Mae gan y llu bedwar gradd ymateb, sy’n cael ei diffinio fel: ‘ar unwaith’, gyda tharged o 20 munud i fod yn bresennol; ‘blaenoriaeth’, gyda tharged o 60 munud i fod yn bresennol (neu ddatrysiad o bell lle bo hynny’n briodol); ‘wedi’i drefnu’, lle nad oes amser targed (neu ddatrysiad o bell lle bo hynny’n briodol) a ‘datrys heb fod yn bresennol’, lle nad oes amser targed (neu mewn amgylchiadau penodol heb gyfranogiad pellach gan yr heddlu). Rhaid i oruchwylwyr awdurdodi unrhyw israddio o ran ymateb, megis newid digwyddiad o flaenoriaeth i wedi’i drefnu. Gwelsom, os oedd angen ymateb, p’un a oedd yn cael ei israddio neu beidio, bod digwyddiadau’n cael eu mynychu’n gyffredinol o fewn yr amser presenoldeb gofynnol.
Cafodd y ffaith nad oedd y llu yn asesu pob achos o gam-drin domestig ei nodi fel achos pryder ar ôl ein harolygiad diwethaf. Rhoddwyd desg fregusrwydd mewn lle yng nghanolfan gyfathrebu’r heddlu yn Ebrill 2019. Mae hyn wedi helpu’r llu i fynd i’r afael â’r problemau a ddarganfuwyd gennym yn y maes hwn. Mae’r ddesg fregusrwydd yn rhoi gwybodaeth ddefnyddiol i swyddogion am alwr, megis hanes blaenorol a gwybodaeth bwysig arall, wrth iddynt deithio i ddigwyddiad. Mae’r ddesg hefyd yn monitro galwadau wrth iddyn nhw ddod i mewn, er mwyn ceisio sicrhau bod dioddefwyr bregus yn cael eu nodi. Mae hyn yn golygu bod gan swyddogion well gwybodaeth ar gael iddynt pan fyddan nhw’n mynychu digwyddiadau a chynnal asesiadau risg.
Pan fydd swyddogion yn mynychu digwyddiadau, maen nhw’n cynnal asesiadau risg, fel DASH a THRIVE. Mae hyn yn helpu i sicrhau bod bygythiadau, risgiau a niwed posibl i bobl sy’n agored i niwed yn cael ei nodi fel bod modd rhoi diogelu a chymorth priodol ar waith.
Roedd swyddogion a staff sy’n gweithio yng nghanolfan gyfathrebu’r llu yn gadarnhaol am y gefnogaeth y maen nhw’n ei dderbyn gan eu rheolwyr llinell a’u goruchwylwyr. Mae llwyth gwaith a lles yn cael eu trafod mewn cyfarfodydd rheolaidd un-i-un. Mae goruchwylwyr yn aml yn mynychu digwyddiadau gyda’u swyddogion i roi cefnogaeth ac arweiniad, sy’n arbennig o ddefnyddiol i swyddogion sy’n ddibrofiad.
Ar 31 Mai 2022, cyhoeddodd y Swyddfa Gartref ddata ar amseroedd ateb galwadau 999. Amser ateb galwadau yw’r amser a gymerwyd i alwad gael ei drosglwyddo i’r llu, a’r amser a gymerodd y llu hwnnw i’w ateb. Yng Nghymru a Lloegr, dylai heddluoedd anelu at ateb 90 y cant o’r galwadau hyn o fewn 10 eiliad.
Gan nad oedd y Swyddfa Gartref wedi cyhoeddi’r data hwnnw pan wnaethom ein dyfarniad, rydym wedi defnyddio data a ddarparwyd gan lluoeddoedd i asesu pa mor gyflym y maent yn ateb galwadau 999. Yn y dyfodol, byddwn yn defnyddio’r data a gyflenwyd gan y Swyddfa Gartref.
Trafodir perfformiad trin galwadau mewn cyfarfod rheoli dyddiol, gan ddefnyddio dangosfwrdd perfformiad. Ond nid oes goruchwyliaeth fwy strwythuredig a manwl o berfformiad trin galwadau yn digwydd yn rheolaidd. Mae bwrdd gweithrediadau arbenigol y llu’n ystyried rhai agweddau ar berfformiad yn y ganolfan gyfathrebu, megis yr amser cyfartalog a gymerwyd i ateb galwadau 999/101 a’r math o alwadau sy’n dod i law. Ond mae gan y cyfarfod agenda fawr, ac mae hyn yn cyfyngu ar y cyfle i drafod. Mae ‘bwrdd perfformiad y llu’ hefyd yn ystyried gwybodaeth am berfformiad trin galwadau, ond nad yw hyn yn digwydd yn rheolaidd a chafodd ei wneud ddiwethaf ym mis Tachwedd 2021. Mae’r llu’n cynhyrchu data manwl am drin galwadau, felly dylai ddefnyddio’r wybodaeth hon i gynnal craffu rheolaidd ac i gefnogi trafodaeth fel bod modd nodi themâu a thueddiadau.
Cyn y pandemig, roedd nyrsys iechyd meddwl yn gweithio yng nghanolfan gyfathrebu’r llu. Er mwyn lleihau nifer y bobl a oedd yn gweithio yn y ganolfan, ac er mwyn caniatáu ymbellhau cymdeithasol, newidodd y bwrdd iechyd drefniant gweithio nyrsys i weithio yn rhithiol. Hefyd, roedd rhai swyddogion wedi cael hyfforddiant iechyd meddwl arbenigol ac a oedd hefyd yn cynorthwyo staff trin galwadau. Roedd rhai o’r trinwyr galwadau a wnaethom siarad â nhw yn ansicr ynglŷn â sut i gael cyngor arbenigol ar faterion iechyd meddwl. Gall hyn effeithio ar ansawdd y gwasanaeth a gynigir i rai pobl sy’n profi iechyd meddwl gwael.
Mae Heddlu Dyfed-Powys yn ddigonol wrth ymchwilio i droseddau.
Roedd asesiad gwasanaeth i ddioddefwyr yn nodi problem benodol gydag ymchwiliadau troseddau stelcian ac aflonyddu. Roedd y mwyafrif a adolygwyd gennym (wyth o ddeg) yn aneffeithiol. Yn yr ymchwiliadau hyn gwelsom ffactor cyffredin o gyfeiriad goruchwylwyr aneffeithiol. Mae’r llu yn ymwybodol bod hwn yn faes sydd angen sylw pellach i wella’r ymchwiliad i droseddau stelcian ac aflonyddu. Mae hyn yn bwysig, gan y gall y troseddau hyn gynnwys dioddefwyr sy’n agored i niwed a allai fod angen cael eu diogelu.
Yn yr adran hon rydym yn nodi ein prif ganfyddiadau sy’n ymwneud â pha mor dda y mae’r llu yn ymchwilio i droseddau.
Mewn 89 allan o’r 90 achos a adolygwyd gennym, dyrannwyd ymchwiliadau i dimau priodol ac yn unol â pholisi dyrannu trosedd y llu. Mewn 75 o’r 90 achos, cafwyd ymchwiliadau effeithiol. Roedd ymchwiliadau’n cael eu goruchwylio’n dda, a chafodd dioddefwyr eu diweddaru drwy gydol y broses. Mae dioddefwyr yn fwy tebygol i deimlo’n sicr mewn ymchwiliad gan yr heddlu pan fyddan nhw’n derbyn diweddariadau rheolaidd.
Mae’r llu wedi cynnal adolygiad o’i gallu i gasglu tystiolaeth ddigidol. Mae wedi cyflogi staff sy’n asesu pa mor gyflym y mae angen casglu tystiolaeth ddigidol, gan ddefnyddio matrics bygythiad, niwed a risg. Mae rhywfaint o arian ychwanegol wedi’i ddarparu, sydd wedi helpu’r llu gytundebu dyfeisiau allanol ar gyfer casglu tystiolaeth. Trwy ddatganiad rheoli’r llu, mae’r llu wedi gwneud rhai rhagamcanion ynglŷn â pha adnoddau y bydd eu hangen yn y dyfodol a sut y gellir cyflawni hyn.
Mae’r llu, ar y cyfan, yn cydymffurfio â’r Côd Ymarfer i Ddioddefwyr Troseddau ac yn cynnal lefelau cyswllt y cytunwyd arnynt gan ddioddefwyr. Mae swyddogion yn gwybod am bwysigrwydd diweddaru dioddefwyr. Gwnaethon ni ganfod bod y llu yn darparu gofal dioddefwyr effeithiol yn y mwyafrif o’i ymchwiliadau. Cafodd asesiadau anghenion dioddefwyr eu cynnal mewn 61 allan o 73 o’r achosion a adolygwyd gennym. Mae’r rhain yn helpu i nodi a oes angen cymorth ychwanegol ar ddioddefwyr. Ond weithiau ni chymerwyd datganiadau personol dioddefwyr. Mae’r rhain yn bwysig gan eu bod yn rhoi cyfle i ddioddefwyr ddisgrifio sut mae troseddu wedi effeithio ar eu bywydau.
Mae datganiad rheoli’r llu (FMS) yn dangos gwell dealltwriaeth o’r galw ymchwilio ac yn disgrifio rhai o’r problemau sy’n wynebu’r llu. Mae cyflwyno’r prosiect End to End wedi cyfeirio mwy o ymchwiliadau tuag at ateb dros y ffôn. Dylai hyn sicrhau bod mwy o ymchwiliadau’n cael digon o staff. Mae gan y llu gynllun gwydnwch ymchwiliadau i helpu gyda recriwtio, cadw, hyfforddi a lles ymchwilwyr. Mae’n defnyddio llwybr ditectif gwnstabl llwybr cyflym ar gyfer y rhai yn eu cyfnod prawf sy’n dangos dawn i ymchwilio. Ond mae angen iddo ystyried a fydd y trefniadau hyn yn ddigon i ateb y galw ymchwilio yn y dyfodol.
Dywedodd swyddogion wrthym y bydden nhw’n dilyn erlyniadau yn seiliedig ar dystiolaeth ar ran y dioddefwr pe bai’r dioddefwr yn tynnu eu cefnogaeth i erlyn yn ôl, a gwelsom fod y defnydd o ganlyniad 16 yn briodol mewn 18 allan o’r 20 achos a adolygwyd gennym. Ond mae gan y llu gyfradd 16 canlyniad uchel o’i gymharu â lluoedd eraill. Gallai hyn awgrymu nad yw’r heddlu’n cael ei arwain gan y dystiolaeth wrth ddilyn erlyniadau. Mae’r llu yn ymwybodol o hyn. Mae wedi cynnal adolygiad ac mae tîm bellach yn goruchwylio’r defnydd o ganlyniad 16 i sicrhau ei fod yn cael ei ddefnyddio’n briodol.
Dywedodd swyddogion a staff wrthym fod ganddyn nhw’r sgiliau, yr hyfforddiant a’r profiad angenrheidiol i gynnal ymchwiliadau’n effeithiol. Maen nhw’n teimlo’n eu bod yn cael cefnogaeth dda gan reolwyr llinell, er bod y pandemig wedi effeithio ar ddigwyddiadau hyfforddi wedi’u cynllunio. Dangosodd y gweithlu ymwybyddiaeth dda o’i rwymedigaethau o ran datgelu a’r gofyniad i gydymffurfio â newidiadau diweddar. Nododd y mwyafrif o’r gweithlu fod llwyth gwaith ymchwilio yn rhesymol.
Mae Heddlu Dyfed-Powys yn dda am amddiffyn pobl fregus.
Yn yr adran hon rydym yn nodi ein prif ganfyddiadau sy’n ymwneud â pha mor dda y mae’r llu yn amddiffyn pobl bregus.
Mae gan y llu strategaeth bregusrwydd, sy’n nodi ei blaenoriaethau ar gyfer amddiffyn pobl sy’n agored i niwed. Prif nodau’r strategaeth yw annog dull meddwl agored; i roi bregusrwydd wrth galon y gwasanaeth; i gydnabod lle mae problemau sylfaenol yn bodoli; a darparu gwasanaeth wedi ei deilwra sy’n ystyried anghenion unigolion, fel bod yr asiantaeth fwyaf priodol yn darparu cefnogaeth ac ymyrraeth. Cefnogir y strategaeth gan gynllun gweithredu bregusrwydd, sy’n cael ei oruchwylio gan fwrdd bregusrwydd strategol y llu. Mae datganiad rheoli’r llu (FMS) yn dangos dealltwriaeth gynyddol o’r galw am amddiffyn pobl sy’n agored i niwed. Mae’r llu wedi cynnal dadansoddiad ar wahân o batrymau a mathau o droseddu fel bod modd cydnabod y dioddefwyr mwyaf bregus ac aildroseddwyr. Mae’r llu’n gweithio gydag asiantaethau eraill i rannu gwybodaeth a deall bregusrwydd yn well, er enghraifft, lle mae potensial i blant gael eu camfanteisio trwy eu cynnwys mewn troseddu cyfundrefnol.
Mae swyddogion a staff yn deall yn glir bwysigrwydd sicrhau bod pobl sy’n agored i niwed yn cael cyngor diogelu ac yn cael eu cyfeirio at asiantaethau cyhoeddus a thrydydd sector am gymorth. Mae swyddogion cam-drin domestig y llu yn rhoi cymorth i ddioddefwyr cam-drin domestig, ac mae timau bro yn cydnabod dioddefwyr a lleoliadau sy’n cael eu nodi sawl tro ac yn rhoi cymorth i bobl sy’n agored i niwed yn y gymuned.
Mae gan y llu wasanaeth dioddefwyr a thystion o’r enw Goleudy, sy’n rhoi cymorth i bob dioddefwr trosedd sydd angen cymorth, p’un a yw’r digwyddiad wedi cael ei adrodd i’r heddlu ai peidio. Mae’r gwasanaeth hwn yn canolbwyntio’n benodol ar y rhai sydd wedi dioddef y niwed mwyaf, megis dioddefwyr troseddau difrifol, ailddioddefwyr a’r rhai mwyaf bregus a brawychus.
Mae’r ddesg fregusrwydd yn dod â’r holl swyddogion a staff sy’n rhan o ddiogelu dioddefwyr bregus ynghyd, fel timau cam-drin domestig, timau cam-drin plant ac oedolion a swyddogion bro. Prif ffocws yr uned yw cam-drin domestig, darparu gwasanaethau diogelu gydag asiantaethau yn y sector cyhoeddus a’r trydydd sector, goruchwylio asesiadau risg a diogelu atgyfeiriadau, a chefnogi ardaloedd plismona lleol.
Mae’r ddesg fregusrwydd yn rhan o’r uned asesu risg eilaidd. Mae staff yn yr uned hon yn adolygu asesiadau risg DASH i sicrhau bod lefelau risg yn briodol. Os ydynt yn gweld nad yw trosedd sy’n ymwneud â pherson bregus wedi’i chofnodi, mae materion yn cael eu cyfeirio yn ôl at swyddog yr achos. Cynhelir cyfarfodydd rhithiol gyda chyrff aml-asiantaeth dair gwaith yr wythnos ar gyfer pob un o’r pedair ardal awdurdod lleol. Mae trafodaethau dyddiol, wedi’u cadeirio gan dditectif sarjant o’r ddesg fregusrwydd, yn canolbwyntio’n bennaf ar achosion o gam-drin domestig. Mae manylion achos yn cael eu rhannu gydag asiantaethau eraill cyn pob cyfarfod fel bod y rhai sy’n mynychu yn gallu paratoi. Mae’r asiantaethau hyn yn cynnwys tai, iechyd, gwasanaethau plant ac ymgynghorydd annibynnol ar drais yn y cartref (IDVA). Mae pob un o’r cyfranwyr yn rhoi gwybodaeth ddefnyddiol i sicrhau bod cynlluniau diogelu yn cael eu rhoi ar waith cyn gynted â phosibl.
Mae’r uned asesu risg eilaidd yn ystyried achosion a fyddai fel arfer wedi gorfod aros tan y MARAC nesaf. Mae MARAC yn bodoli ar gyfer pob ardal awdurdod lleol. Mae cynadleddau’n cael eu cynnal yn rhithiol ar hyn o bryd. Mae’r asiantaethau sy’n cael eu cynrychioli yn MARAC yn cynnwys iechyd, gwasanaethau prawf, gwasanaethau plant, tai, IDVA a swyddogion cam-drin domestig. Ers cyflwyno’r asesiad risg eilaidd, mae angen cyfeirio llai o achosion at MARAC, sy’n golygu y gellir treulio mwy o amser ar achosion risg uwch a chymhleth. Mae pob cyfrannwr yn rhoi diweddariadau a rhannu gwybodaeth, ac mae’r cyfarfod yn cytuno ar gamau gweithredu i gynnal mesurau diogelu.
Mae swyddogion a staff yn deall y pwerau sydd ar gael i amddiffyn pobl fregus a dioddefwyr. Mae cyfarfodydd MARAC yn ystyried ‘Cyfraith Clare’ i sicrhau bod dioddefwyr posib a’u plant yn ymwybodol o ymddygiad sarhaus neu dreisgar blaenorol partner newydd. Mae Hysbysiadau Gwarchod Rhag Trais Domestig (DVPNs) a Gorchmynion Gwarchod Rhag Trais Domestig (DVPOs) wedi’u cynllunio i roi amddiffyniad ar unwaith i ddioddefwyr yn dilyn digwyddiad o drais yn y cartref. Mae’r rhain yn cael eu hystyried fel mater o drefn gan swyddogion ac fe’u trafodir mewn cyfarfodydd rheoli dyddiol a chyfarfodydd asesu risg eilaidd. Mae trafodaethau o’r fath yn sicrhau bod diogelu wedi’i ystyried a chamau’n cael eu cymryd i amddiffyn y dioddefwr. Ond dangosodd asesiad y gwasanaeth dioddefwyr nad oedd DVPOs bob amser yn cael eu hystyried. Yn ystod y flwyddyn a ddaeth i ben ar 31 Mawrth 2021, gwnaeth Heddlu Dyfed-Powys 12.5 o geisiadau Gorchymynion Gwarchod Rhag Trais Domestig ar gyfartaledd fesul 1,000 o droseddau yn ymwneud â cham-drin domestig. Mae hyn ychydig yn uwch na’r gyfradd ymgeisio yn yr holl luoedd, sef 10.1 cais i bob 1,000 o droseddau.
Ceisiadau Gorchmynion Gwarchod Rhag Trais Domestig am bob 1,000 o droseddau sy’n ymwneud â cham-drin domestig yn y flwyddyn a ddaeth i ben ar 31 Mawrth 2021
Mae Heddlu Dyfed-Powys yn ddigonol am reoli troseddwyr a’r rhai dan amheuaeth.
Mae’r llu yn defnyddio gorchmynion atal niwed rhywiol (SHPO) i amddiffyn y cyhoedd rhag y troseddwyr mwyaf peryglus. Mae gan y llu dîm canolog sy’n cael gwybod am unrhyw droseddau rhywiol sy’n mynd i’r llys, ac yna mae’r tîm yn gweithio gyda’r adran gwasanaethau cyfreithiol i greu cais SHPO. Mae hyn yn sicrhau nad oes unrhyw gyfleoedd i amddiffyn y dioddefwr yn cael eu colli. Mae gan y llu offer digidol angenrheidiol ar waith, ac mae’r staff wedi cael eu hyfforddi i fonitro’r mathau hyn o orchmynion.
Mae’r rhai dan amheuaeth heb eu penderfynu (heb eu harestio eto) yn cael eu monitro gan swyddogion sy’n gweithio ym mhob un o’r pedair ardal blismona leol yn y llu. Mae rhestrau o bobl sydd angen eu lleoli a’u harestio yn cael eu rhannu gyda swyddogion mewn cyfarfodydd rheoli dyddiol ac ar system briffio’r llu. Er bod y trefniadau yn eu lle ac yn ymddangos yn effeithiol, nid oes gan y llu yr oruchwyliaeth i sicrhau ei fod yn gweithio cystal ag y dylai fod.
Mae’r llu yn defnyddio system rheoli risg weithredol (ARMS) ar gyfer rheoli’r risg o droseddwyr peryglus. Ond mae angen iddo wella cynnwys ac ansawdd y cynlluniau rheoli risg sydd mewn grym i reoli troseddwyr. Mae angen iddo sicrhau bod unrhyw risg yn cael ei ddogfennu a bod camau’n cael eu cofnodi. Nid yw gwiriadau Cronfa Ddata Genedlaethol yr Heddlu hefyd yn cael eu gwneud fel mater o drefn. Er bod staff wedi’u hyfforddi ar sut i ddefnyddio ARMS, nid yw rhai goruchwylwyr sy’n arolygu sut maen nhw’n cydymffurfio â’r Arfer Proffesiynol Awdurdodedig (APP) yn gwneud hyn.
Yn yr adran hon rydym yn nodi ein prif ganfyddiadau sy’n ymwneud â pha mor dda y mae’r llu yn rheoli troseddwyr a’r rhai dan amheuaeth.
Mae MOSOVO a thimau plismona bro yn gweithio gyda’i gilydd i sicrhau eu bod yn cael gwybod am droseddwyr rhyw cofrestredig yn y gymuned. Mae swyddogion bro yn defnyddio’r wybodaeth hon i lywio eu cynlluniau patrôl a gallant gyflwyno gwybodaeth i dîm MOSOVO am droseddwyr rhyw yn eu hardal. Mae hyn yn helpu gwybodaeth i gael ei rhannu’n effeithiol fel bod tîm MOSOVO yn cael gwybod am unrhyw newid mewn ymddygiad, rhag ofn bod angen cymryd camau.
Mae POLIT yn gyfrifol am nodi rhannu delweddau anweddus o blant fel bod modd gweithredu mewn ffordd amserol. Mae system rheoli achosion i sicrhau bod risgiau’n cael eu nodi mewn achosion sy’n aros i gael eu hadolygu, a gwelsom nad oedd llwyth o waith sylweddol yn aros i’w wneud. Mae’r llu wedi cynyddu nifer y staff sydd yn y tîm yn ddiweddar.
Pan fydd y POLIT yn mynychu cyfeiriad i gynnal gwarant ar amheuaeth o ddelweddau amhriodol ar ddyfais ddigidol, mae’r aelodau yn mynd yno gydag ymchwilydd fforensig digidol. Mae’r ymchwilydd yn gallu adolygu sawl dyfais i weld pa rai allai fod â delweddau amhriodol arnynt, yn hytrach na gorfod atafaelu pob dyfais yn y cyfeiriad. Mae hyn yn arbed cryn amser ac adnoddau, ac yn golygu mai dim ond y ddyfais gyda’r delweddau sy’n cael ei atafaelu.
Mae’r llu yn rhan o IOM Cymru, sy’n darparu fframwaith ar lefelau cenedlaethol, rhanbarthol a lleol i sefydliadau weithio gyda’i gilydd i leihau troseddu ac aildroseddu trwy wella rheoli risg ac adferiad. Mae gan y llu berthynas weithio dda gyda chydweithwyr gwasanaeth prawf i reoli aildroseddwyr. Mae cyfarfodydd rheolaidd yn adolygu’r troseddwyr hynny sydd yn rhaglen IOM ar hyn o bryd, yn ystyried cyfeiriadau newydd iddi, ac yn asesu effeithiolrwydd y cynllun rheoli risg. Er enghraifft, gellir derbyn troseddwyr rhyw cofrestredig ar un o raglenni IOM, sy’n caniatáu i lefelau ychwanegol o ymyrraeth ddigwydd, megis atgyfeiriadau at gefnogaeth asiantaeth allanol a monitro gwell gan dîm MOSOVO. Mae hyn yn arfer da ac yn helpu tuag at leihau ail-droseddu a cheisio newid ymddygiad.
Defnyddir proses asesu risg THRIVE wrth reoli mechnïaeth cyn codi tâl, RUI a phresenoldeb gwirfoddol. Mae swyddogion yn deall y broses gyfarwydd hon yn dda, ac mae’n amlwg bod dioddefwyr a diogelu yn ganolog i’r broses o wneud penderfyniadau. Os newidir mechnïaeth cyn codi tâl i RUI, mae’n rhaid awdurdodi hyn drwy’r arolygydd ar ddyletswydd a chofnodi’r rhesymeg dros y newid hwnnw. Goruchwylir presenoldeb gwirfoddol gan sarjant y ddalfa a fydd yn sicrhau bod bregusrwydd wedi cael ei ystyried a bod sail resymegol glir yn cael ei gofnodi. Mae’r llu wedi creu proses TG i reoli pob achos mechnïaeth ac RUI, gyda dangosfwrdd sy’n dangos gwybodaeth o’r system ddalfa, fel dilyniant achosion, dyddiadau pwyisg a throseddau. Mae’r wybodaeth hon yn cael ei chynnwys mewn fframwaith perfformiad y llu ar lefel ardal blismona leol ac mewn cyfarfodydd perfformiad y llu, er mwyn craffu mwy.
Mae Heddlu Dyfed-Powys yn ddigonol am reoli troseddau difrifol a threfnedig (SOC).
Nid oedd gan y llu broses gorfforaethol ar gyfer adrodd a dysgu o troseddau difrifol a threfnedig (SOC), gan gynnwys cofnodi gwaith effeithiol. Cyflwynwyd proses newydd i wella’r broses o gasglu dysgu drwy gynlluniau plismona sy’n canolbwyntio ar broblemau a’r templedi cynllun 4P. Mae’r templedi’n cynnwys adran lle gall swyddogion cyfrifol lleol dynnu sylw effaith gweithgaredd y llu yn erbyn SOC. Byddwn ni’n asesu pa mor dda mae hyn wedi gweithio yn ein harolygiad SOC nesaf.
Yn yr adran hon rydym yn nodi ein prif ganfyddiadau sy’n ymwneud â pha mor dda y mae’r llu yn rheoli troseddau difrifol a threfnedig.
Mae’r llu yn defnyddio MoRiL i asesu SOC. Mae’r asesiad hwn yn llywio asesiad strategol cynhwysfawr y llu ac yn tynnu ar wybodaeth gan asiantaethau eraill yn y sector cyhoeddus. Mae strategaeth rheoli’r llu yn cael ei lywio’n glir gan yr asesiad strategol. Mae gan y llu broffil SOC ar gyfer pob un o’r pedair ardal awdurdod lleol. Mae pob un o’r rhain wedi’u creu gan ddefnyddio gwybodaeth gan sefydliadau partner, ac yn tynnu sylw at risgiau bregusrwydd i bobl y gellid eu cynnwys mewn troseddu a dod yn ddioddefwyr. Mae bwrdd partneriaeth strategol mewn lle i adolygu diweddariadau a newidiadau arfaethedig, ac mae trafod a gwrthwynebu iach gan yr asiantaethau sy’n mynychu. Mae byrddau partneriaethau lleol hefyd ar waith ar gyfer y pedair ardal awdurdod lleol. Mae’r llu’n adnewyddu ei ddull SOC gydag asiantaethau partner, gan fod y cynllun presennol yn canolbwyntio gormod ar yr heddlu ac nid yw’n cyd-fynd â’r proffiliau SOC presennol.
Mae gan y llu strwythurau clir i oruchwylio SOC a sicrhau bod swyddogion a staff yn atebol iddynt. Mae’r cyfarfodydd grŵp tasgu SOC a’r grŵp datblygu cudd-wybodaeth y llu (FIDG) yn ganolog i’r gwaith cydlynu i fynd i’r afael â SOC. Mae gan y cyfarfodydd hyn agenda strwythuredig, ac mae camau gweithredu a phenderfyniadau yn cael eu cofnodi a’u monitro. Mae ardaloedd plismona lleol yn rhan o’r gwaith tasgu SOC. Gwelsom dystiolaeth dda o geisiadau am gefnogaeth gan yr ardaloedd plismona lleol ar gyfer SOC yn cael eu hystyried. Mae presenoldeb priodol mewn cyfarfodydd rheoli dyddiol ac maen nhw’n cynnal craffu manwl ar droseddau a phroblemau sy’n dod i’r amlwg i nodi materion SOC posibl.
Mae proses glir lle mae tasgu SOC yn penodi swyddogion cyfrifol arweiniol (LROs) ar gyfer pob grŵp troseddu cyfundrefnol. Mae’r swyddogion hyn yn arwain gwaith datblygu cynlluniau 4P, gan ddefnyddio arbenigedd i greu’r ymateb gorau i fynd i’r afael â grwpiau troseddu cyfundrefnol. Ond mae peth anghysondeb o ran sut mae cynlluniau 4P yn cael eu datblygu trwy’r llu.
Mae gan y llu strategaeth a brandio newydd ar gyfer cyfathrebu mewnol ac allanol, sy’n rhan bwysig o ddatblygiad ei ffocws ar atal SOC. Mae hefyd wedi penodi cydlynydd SOC. Mae cyllidebu cyfranogol (a drafodir yng nghwestiwn Atal troseddu ac ymddygiad gwrthgymdeithasol) hefyd yn helpu dull y llu o atal SOC. Mae ymwybyddiaeth dda yn y llu o bwysigrwydd atal pobl rhag cael eu cynnwys mewn SOC.
Mae’r llu yn gweithio gyda Gwasanaeth Carchardai a Phrawf Ei Mawrhydi (HMPPS) a’r uned cudd-wybodaeth carchardai rhanbarthol (RPIU) i reoli troseddwyr SOC sydd yn y carchar. Mae cynrychiolydd o’r RPIU yn aelod FIDG, felly maen nhw’n ymwybodol o’r grwpiau troseddau cyfundrefnol sy’n cael eu trafod, ynghyd ag unrhyw aelodau perthnasol a allai fod yn y carchar. Mae Rhaglen Cudd-wybodaeth ar y cyd (JIP) gyda HMPPS. Fforwm aml-asiantaeth yw hwn sy’n mynd i’r afael â SOC mewn carchardai a chymunedau. Mae’n dod â’r heddlu, carchardai a’r gwasanaeth prawf at ei gilydd i rannu cudd-wybodaeth a chytuno ar gamau gweithredu ar gyfer amharu ar droseddu cyfundrefnol.
Roedd yn amlwg yn ystod ein harolygiad bod rhai swyddogion yn ansicr am sut y dylid rheoli troseddwyr SOC pan fyddant yn y carchar. Mae’r llu yn ymwybodol o’r broblem hon ac yn cymryd camau i egluro ei brosesau. Mae hyn yn bwysig er mwyn sicrhau bod pob cyfle yn cael ei gymryd i atal ac amharu ar droseddu cyfundrefnol.
Nid ydym yn graddio lluoedd ar y rhan hon o’n hasesiad. Yn yr adran hon, rydym yn nodi ein prif ganfyddiadau ar gyfer pa mor dda y mae Heddlu Dyfed-Powys yn bodloni’r gofyniad plismona strategol (SPR).
Mae’r Gofyniad Plismona Strategol (SPR) yn cynnwys bygythiadau difrifol sy’n torri ar draws ffiniau’r heddlu, yn bennaf terfysgaeth, digwyddiad seiberddiogelwch cenedlaethol, troseddau difrifol a threfnus, bygythiadau i drefn gyhoeddus, argyfyngau sifil a cham-drin plant yn rhywiol. Mae’r chwe bygythiad yn rhan annatod o weithdrefnau cynllunio busnes y llu. Cyfeirir atynt yn asesiad strategol y llu ac yn ei datganiad rheoli’r llu (FMS), ac maent yn rhan o’r cynllun heddlu a throseddu. Mae gan y llu rôl amlwg yn y fforwm gydnerth lleol (LRF) ac mae’n gweithio gyda sefydliadau eraill yn y sector cyhoeddus i atal bygythiadau SPR. Un enghraifft o hyn oedd pan wnaeth trên ddod oddi ar y cledrau yn 2020. Roedd angen gadael y trên yn gyfan gwbl a chael ymateb aml-asiantaeth i adfer diogelwch a chael y rheilffordd i weithio eto. Mae adrodd yn digwydd yn dilyn digwyddiadau o’r fath i sicrhau bod gwersi yn cael eu dysgu gan yr holl asiantaethau dan sylw i wella ymatebion yn y dyfodol.
Mae grŵp bygythiadau’r llu yn ystyried y bygythiad a’r risg mewn perthynas â’r strategaeth reoli a’r staff a’r gallu yn gysylltiedig â bygythiadau SPR – er enghraifft, y potensial i blant gael eu cynnwys mewn troseddu cyfundrefnol difrifol a’r risgiau a achosir gan droseddau seibr a therfysgaeth. Roedd yr FMS eisoes wedi nodi yr angen am staff ychwanegol, a threfnwyd am gael staff TG ychwanegol i liniaru rhai o’r risgiau rhag seiber-droseddu.
Yn unol â Deddf Argyfyngau Sifil 2004, mae’r llu yn gweithio gyda’r LRF i gynllunio ar gyfer bygythiadau SPR, megis argyfyngau sifil. Mae cynlluniau’r LRF yn nodi rolau, cyfrifoldebau a gweithredoedd sydd eu hangen ar bob asiantaeth mewn ymateb i’r argyfwng sifil penodol, ynghyd ag unrhyw gydlynu aml-asiantaeth. Mae’r llu yn cymryd rhan mewn ymarferion rheolaidd gydag asiantaethau i asesu sut mae’n ymdrin â bygythiadau SPR. Er enghraifft, aeth y pedwar LRF Cymru ati i ymarfer eu hymateb i ddigwyddiad mawr (llifogydd). Roedd y senario hwn yn cynnwys heriau seibr sylweddol ac yn darparu pwyntiau dysgu i bob sefydliad. Gwnaeth y llu hefyd brofi ymateb y cyfryngau ar y cyd i brotest ffug ar ddyfroedd Sir Benfro gan grŵp protest hinsawdd.
Mae’r pandemig wedi cael effaith ar rhai hyfforddiant i swyddogion a staff ar sut i ymdrin â bygythiadau SPR. Er enghraifft, staff heb arfau yn ymateb i ymosodiadau terfysgol. Dylai’r ymarferion gynnwys staff y ganolfan gyfathrebu a swyddogion heb arfau gan eu bod yn debygol o fod y cyntaf i ymateb i ddigwyddiadau o’r fath. Mae dysgu yn y dosbarth wedi cael ei ohirio dros dro oherwydd y pandemig a bydd yn ailgychwyn yn unol â chanllawiau Iechyd Cyhoeddus Cymru.
Nid ydym yn graddio lluoedd ar y cwestiwn hwn.
Mae gan y llu drefniadau ar y cyd gyda Heddlu Gwent a Heddlu De Cymru i ddarparu plismona arfog. Ers deng mlynedd, mae gwasanaethau plismona arfog ym mhob llu wedi’u cyfuno i’r Cyd-Uned Arfau Saethu (JFU). Yn ardal Heddlu Dyfed-Powys, mae swyddogion cerbydau ymateb arfog (ARV) yn mynychu’r mwyafrif o ddigwyddiadau arfog. Mantais y dull ar y cyd yw bod safon yr hyfforddiant a’r defnydd tactegol ym mhob un o’r tri llu yr un fath. Gan amlaf, gall penaethiaid arfau saethu fod yn sicr y gall swyddogion arfog yn y tri llu weithio gyda’i gilydd yn hawdd. Y tu hwnt i’r manteision gweithredol amlwg, bydd cyfleuster hyfforddi newydd, sydd bellach yn cael ei adeiladu, yn arbed hyd at £4m o wariant cyfalaf.
Yn yr adran hon rydym yn nodi ein prif ganfyddiadau sy’n ymwneud â pha mor dda y mae’r llu yn amddiffyn cymunedau rhag bygythiadau arfog.
Mae Heddlu Dyfed-Powys, fel rhan o’i waith gyda Heddlu Gwent a Heddlu De Cymru, yn cymryd camau cadarnhaol i gynnal nifer y swyddogion arfog. Yn genedlaethol, mae llawer o swyddogion yn amharod i gael hyfforddiant defnyddio arfau saethu. Gan gydnabod hyn, mae’r llu yn nodi swyddogion newydd yr heddlu a swyddogion sy’n gwasanaethu gyda dawn i blismona arfog yn gynnar yn eu gyrfaoedd. Mae cyfleoedd fel diwrnodau mentora a mewnwelediad ar gael i’w hannog i rolau plismona arfog. Mae cefnogaeth â ffocws wrth law i ymgeiswyr yn ystod cyrsiau hyfforddi. Mae ‘pinch points’, lle mae swyddogion yn fwyaf tebygol o fethu cyrsiau, yn cael eu rheoli yn ddwys gan hyfforddwyr. Mae’r mesurau hyn yn profi’n llwyddiannus wrth hybu recriwtio.
Os bydd digwyddiadau’n gwaethygu, ac os oes angen galluoedd arbenigol gan Heddlu Dyfed-Powys i ddatrys bygythiadau, mae gweithdrefnau sefydlog ar waith. Drwy’r trefniadau cydweithio gyda’r JFU, mae gan y llu fynediad at swyddogion arfau saethu gwrthderfysgaeth arbenigol sy’n rhan o Uned Eithafiaeth a Gwrthderfysgaeth Cymru.
Oherwydd y diffygion a nodwyd yn Ymchwiliad Anthony Grainger, gwnaethom adolygu gwiriadau’r llu ar y prosesau sydd ar waith pe bai angen caffael systemau arfau newydd neu arfau rhyfel arbenigol. Mae’r JFU yn y broses o brofi arfau newydd gyda’r bwriad o ddiweddaru’r reifflau ymosod sydd ar hyn o bryd wedi eu rhoi i swyddogion Heddlu Dyfed-Powys, Heddlu Gwent a Heddlu De Cymru. Yn unol â chanllawiau cenedlaethol, mae’r llu yn gweithio’n agos gydag arweinydd plismona arfog Cyngor Cenedlaethol Penaethiaid yr Heddlu a’r Swyddfa Gartref fel rhan o’r broses gymeradwyo.
Roedd yr adroddiad am farwolaeth Anthony Grainger hefyd yn feirniadol o gymhwysedd y swyddogion yn gorchymyn gweithrediad arfog. Cyfeiriwyd yn benodol at awdurdodi a defnyddio arfau rhyfel arbenigol yn dactegol. Mae’n bwysig bod penaethiaid arfau saethu yn gyfarwydd â’r manteision, y risgiau a’r effeithiau corfforol sydd gan ddyfeisiau o’r fath ar unigolion. Mae awdurdodi a defnyddio arfau rhyfel arbenigol yn rhan o’r rhaglenni hyfforddi a datblygu a gynigir i benaethiaid arfau saethu strategol a thactegol. Mae penaethiaid arfau saethu yn wybodus wrth ddefnyddio arfau rhyfel arbenigol a sut gallant gyfrannu at ddiwedd llwyddiannus gweithrediadau arfog.
Rydym yn disgwyl i luoedd gael cynlluniau ar waith i fynd i’r afael â bygythiadau rhagweladwy. Mae gan Heddlu Dyfed-Powys, fel rhan o’r trefniadau gwaith cydweithredol gyda’r JFU, gynlluniau gweithredol ar waith ar gyfer lleoliadau a allai fod yn darged i ymosodiadau terfysgol. Drwy raglen o ymarferion, mae cyfleoedd i brofi’r cynlluniau hyn yn rheolaidd. Er bod COVID-19 wedi cael effaith ar y rhaglen, fel arfer byddai ymarferion yn cynnwys y fyddin a gwasanaethau brys eraill. Gwelsom fod ymarferion hyfforddi hefyd yn cael eu hadolygu’n ofalus fel bod pwyntiau dysgu yn cael eu nodi a bod gwelliannau yn cael eu gwneud ar gyfer y dyfodol.
Yn ogystal ag adrodd am ymarferion hyfforddi gyda’r holl swyddogion dan sylw, gwelsom fod Heddlu Dyfed-Powys hefyd yn adolygu canlyniad holl ddigwyddiadau drylliau y mae swyddogion yn eu mynychu. Rheolir hyn gan y JFU. Mae hyn yn helpu i sicrhau bod y ffyrdd gorau o weithio a meysydd i’w gwella yn cael eu cydnabod. Gwelsom fod yr wybodaeth hon hefyd yn cael ei defnyddio i wella hyfforddiant a gweithdrefnau gweithredol.
Mae bygythiad strategol plismona arfog ac asesiad risg (APSTRA) y JFU yn nodi’r bygythiadau. Cyhoeddir APSTRA yn flynyddol ac mae cofrestr risg a chynllun gweithredu yn cyd-fynd â hi. Mae’n cyd-fynd â’r safonau a nodir gan Cyngor Cenedlaethol Penaethiaid yr Heddlu. Ond, mae modd gwella rhai meysydd. Mae angen diweddaru rhai o’r data sy’n cefnogi’r APSTRA, ac mae’n ond yn rhagweld galw dros gyfnod o dair blynedd yn hytrach nag y mae gyda FMS, sydd â rhagamcaniad pedair blynedd. Rydym yn sicr bod y materion hyn yn cael sylw.
Mae anghysonderau wedi codi wrth ddefnyddio arfau llai marwol yn Heddlu Dyfed‑Powys, Heddlu Gwent a Heddlu De Cymru. Fel y mae gyda lluoedd eraill yng Nghymru a Lloegr, mae nifer cynyddol o swyddogion anarfog yn cael arfau llai angheuol i’w hamddiffyn eu hunain a’r cyhoedd. Mae’r arfau mwyaf cyffredin a ddefnyddiwyd yn ddyfeisiau ynni, sydd fel arfer yn cael eu cyfeirio atynt fel tasers. Mae canllawiau cenedlaethol yn nodi y dylid cysylltu defnyddio arfau llai marwol â’r bygythiadau a’r risgiau a amlinellir yn yr APSTRA. Ond mae gan y tri llu drefniadau ar wahân. Dylai’r broses o ddewis, hyfforddi a defnyddio swyddogion taser gael eu cydlynu’n well. Byddai hyn yn gwella cydymffurfiaeth â safonau cenedlaethol ac yn dod â mwy o sicrwydd bod swyddogion sy’n cael defnyddio tasers ar gael pan fo angen.
Mae Heddlu Dyfed-Powys yn dda am adeiladu a datblygu ei weithlu.
Yn yr adran hon rydym yn nodi ein prif ganfyddiadau sy’n ymwneud â pha mor dda y mae’r llu yn adeiladu ac yn datblygu ei weithlu.
Mae’r llu wedi datblygu cynllun gweithlu sy’n gysylltiedig â’r meysydd hynny lle mae angen recriwtio fwyaf. Mae’n seiliedig ar ddadansoddiad o’r galw. Er enghraifft, nod y rhaglen dditectif llwybr carlam yw mynd i’r afael â phrinder mewn timau ymchwilio. Mae’r llu hefyd wedi gwneud gwelliannau sylweddol i’w brosesau dyrchafu ers ein harolygiad diwethaf. Mae’r mwyafrif o’r gweithlu bellach yn gweld prosesau dyrchafu fel rhai teg a gonest ac mae’n cydnabod y gwaith y mae’r llu yn ei wneud i wella cyfleoedd.
Mae gan y llu grŵp gweithlu cynrychioli, sy’n ystyried sut mae’r gweithlu yn cynrychioli holl nodweddion gwarchodedig. Mae’r llu’n cydnabod bod gwaith i’w wneud o hyd yn y maes hwn. Ond mae’n hyderus bod ganddo’r wybodaeth sydd ei hangen i ddeall pa mor gynrychioliadol yw ei gweithlu yn ei gymunedau.
Mae’r llu wedi cynnal ymchwil gyda myfyrwyr du, Asiaidd ac o leiafrifoedd ethnig o brifysgol leol i ddeall eu canfyddiadau ynghylch plismona a’r rhwystrau i weithio iddyn nhw. Mae’r llu wedi penodi swyddog gweithredu positif i gefnogi recriwtio gan grwpiau sy’n cael eu tangynrychioli. Bu hefyd yn cynnal gweithdai cyn cychwyn ymgyrch recriwtio cwnstabliaid yr heddlu. Yn ddiweddar, mae’r llu wedi gweld cynnydd yn nifer yr ymgeiswyr du, Asiaidd a lleiafrifoedd ethnig sy’n ymgeisio am rolau cwnstabl heddlu.
Mae swyddogion a staff yn ymwybodol o’r cyfleoedd datblygu sydd ar gael iddynt. Maent ar y cyfan yn gadarnhaol am yr hyn sydd ar gael iddynt, gan gynnwys cyfleoedd gydag adrannau eraill. Mae’r pandemig wedi cael effaith ar hyfforddiant rheolaidd, ac mae rhai sesiynau bellach yn cael eu cynnal o bell. Mae llawer o gweithlu yn teimlo bod eu rheolwr yn deall eu hanghenion datblygu ac yn cefnogi eu datblygiad. Cynhelir cyfarfodydd rheolaidd, ac mae’r system rheoli perfformiad y llu, proffil datblygu ac asesu (DAP), ar gyfer y mwyafrif o aelodau’r gweithlu yn cael ei gwblhau. Er nad yw pawb yn deall yn iawn sut mae’r system yn berthnasol iddyn nhw, mae’r mwyafrif o staff yn ei ddefnyddio, ac mae’n cael ei ddefnyddio fwyfwy i gefnogi prosesau dyrchafu.
Mae ‘unedau tiwtoriaid’ wedi’u sefydlu mewn rhai rhannau o’r llu er mwyn cefnogi swyddogion myfyrwyr. Mae tiwtoriaid sydd wedi’u lleoli mewn gorsafoedd lleol yn darparu cymorth amser real ac hyfforddiant ar sail senario, sy’n gwneud mynediad i gymorth yn haws. Roedd swyddogion newydd yn gadarnhaol am y gefnogaeth hon sy’n eu helpu i roi dysgu yn y dosbarth ar waith. Yn seiliedig ar lwyddiannau presennol, gallai’r llu ystyried ehangu’r rhaglen i gynyddu’r cymorth sydd ar gael.
Mae’r llu’n gwneud cynnydd da wrth weithredu PEQF trwy ei waith gyda Phrifysgol De Cymru ac yn cefnogi i’w fyfyrwyr. Mae’r llu yn hyfforddi swyddogion ar gyfer Prentisiaeth Gradd Cwnstabl yr Heddlu a’r Rhaglen Mynediad Deiliad Gradd. Mae’r llu o’r farn ei bod mewn sefyllfa dda i gefnogi swyddogion newydd ar y rhaglenni hyn, gyda’r grŵp cyntaf wedi graddio yn gynharach eleni.
Ar hyn o bryd mae gan y llu broses â llaw i sicrhau bod swyddogion a staff yn cael eu harchwilio. Mae hyn yn dibynnu ar bobl yn diweddaru taenlenni ac yn monitro rhestrau cylchredu’r llu ac e-byst. Byddai’r llu yn elwa o system electronig awtomataidd i reoli’r cysylltiad rhwng adnoddau dynol a systemau archwilio. Gwelsom fod y mwyafrif o’r gwaith yn uned archwilio’r llu yn effeithiol, a bod y lefel gywir o archwilio gan lawer o’r gweithlu ar gyfer y rolau sy’n cael eu gwneud. Mae prosesau yn cael eu rheoli’n dda, er bod y prosesau yn cymryd llawer o amser i staff. Mae’r llu wedi prynu system rheoli archwiliadau ar y we, a fydd yn darparu dull effeithlon. Er hynny, mae’r broses o’i weithredu wedi’i ohirio oherwydd y pandemig.
Mae’r llu’n dda am fonitro anghyfartaledd posibl mewn systemau archwilio ac mae ganddo broses effeithiol ar waith i adolygu penderfyniadau. Mae’r llu yn ymwybodol o’r galw presennol ac yn y dyfodol a fydd yn cael ei gynhyrchu gan swyddogion newydd oherwydd rhaglen ymgodiad yr heddlu.
Mae’r llu’n gallu monitro ei holl systemau TG i nodi unrhyw ddefnydd amhriodol. Yn ystod ein harolygiad, gwnaethom adolygu sawl eitem o ddeallusrwydd llygredd posibl, a chanfod defnydd helaeth o’r feddalwedd monitro TG i gydnabod llygredd posibl. Gwelsom enghreifftiau o’r llu yn defnyddio meddalwedd i nodi a diogelu dioddefwyr sy’n agored i niwed. Mae’r llu yn ymwybodol bod angen iddo sicrhau ei fod yn gallu defnyddio’r feddalwedd hon ar unrhyw raglenni newydd neu systemau TG y bydd yn eu cyflwyno yn y dyfodol.
Mae gan y llu asesiad bygythiad strategol cynhwysfawr yn ei le, ynghyd â strategaeth reoli, ond nad oes gan y llu gynllun cyflenwi ar hyn o bryd. Byddai cynllun o’r fath yn ei helpu i weithredu ei strategaeth yn fwy effeithiol. Mae gan uned gwrthderfysgaeth y llu ddigon o staff i ateb ei galw presennol, ond mae angen adolygu hyn yn rheolaidd.
Mae swyddogion a staff ar y cyfan yn ymwybodol o arwyddion rhywun a allai fod yn camddefnyddio’u rôl at bwrpas rhywiol. Mae pob sarjant wedi cael sgwrs ynglyn ag arwyddion rhybudd posib i edrych amdano. Mae rhai fideos ‘amlinellu’ animeiddiedig 60 eiliad defnyddiol, sy’n ymdrin â themâu megis cymdeithasau amhriodol a’r gofyniad i adrodd, wedi ymddangos ar safle fewnrwyd y llu. Mae’r rhain hefyd wedi cael eu rhannu gyda sefydliadau partner. Er y byddai rhai swyddogion a staff yn defnyddio llinell adrodd gyfrinachol y llu, o’r enw ‘bad apple’, mae eraill yn dal i bryderu nad yw adroddiadau’n ddienw.
Mae strategaeth lles yr heddlu, Strategaeth Arweinyddiaeth a Lles Calon (2017–21), yn gosod ei gweledigaeth fel a ganlyn: “Cyflawni rhagoriaeth trwy ofal, gwerthoedd ac ymgysylltiad ein pobl a rhoi arweiniad a lles wrth wraidd popeth a wnawn”. Mae gan yr heddlu amrywiaeth dda o ddarpariaeth lles sydd ar gael i’w swyddogion a’i staff. Mae’n ymgynghori ag undebau ac ardaloedd plismona lleol er mwyn deall pa ddarpariaeth y gallai fod ei hangen. Mae swyddogion a staff ar y cyfan yn gadarnhaol am y ddarpariaeth lles y gallant fanteisio arni, a chael cefnogaeth a dealltwriaeth dda gan reolwyr llinell am eu hanghenion lles. Ond mae angen i’r llu sicrhau bod gan y rhai sy’n byw mewn rhannau mwy anghysbell o ardal y llu fynediad cyfartal at ddarpariaeth lles. Byddai’r llu hefyd yn elwa o werthuso’r ddarpariaeth les bresennol fel ei fod yn deall pa ddarpariaethau yw’r rhai mwyaf effeithiol. Sylw amserol yw hyn o ystyried bod y llu eisoes wedi dechrau datblygu strategaeth newydd yn lle Calon.
Cynhaliodd y Coleg Plismona adolygiad gan gymheiriaid o ddarpariaeth iechyd galwedigaethol y llu yn 2020. Yn yr adolygiad hwn, gwnaethpwyd sawl argymhelliad gyda’r bwriad o wella’r gwasanaeth, ac ers hynny mae’r llu wedi rhoi cynllun ar waith. Nawr mae angen i’r llu sicrhau bod y cynllun hwn yn cynnwys ffyrdd y gellir rhai sy’n gweithio mewn rhannau anghysbell o ardal y llu cael mynediad at iechyd galwedigaethol. Mae angen iddo hefyd sicrhau ei fod yn cynnal gwiriadau lles rhagweithiol ar y swyddogion a’r staff hynny sy’n gweithio mewn rolau risg uchel ac a allai fod yn delio â digwyddiadau trawmatig. Bydd archwiliadau o’r fath yn penderfynu os yw’r gwaith yn effeithio ar staff ac os oes angen gwell cymorth lles.
Adolygodd y llu ei bwyllgor moeseg yn 2020, yn dilyn adborth gan HMICFRS ac yn dilyn ei adolygiad mewnol. Newidiodd y llu’r llwybr cyfeirio i’r pwyllgor, a gwnaeth hyn wella nifer yr atgyfeiriadau cyfyngderau moesegol. Ond mae’r pwyllgor yn dal i dderbyn atgyfeiriadau nad ydynt yn gyfyngderau moesegol ac, yn hytrach, sy’n faterion y dylid eu hystyried gan reolwyr llinell ac adnoddau dynol. Mae angen codi ymwybyddiaeth am rôl a swyddogaeth y pwyllgor moeseg a’r math o bethau y dylid eu cyfeirio ato. Dylid rhoi adborth ar gyfyngderau moesegol sydd wedi’u trafod i’r gweithlu i wella dysgu a gwella lefelau cyffredinol o ddealltwriaeth.
Mae Heddlu Dyfed-Powys yn ddigonol am weithredu’n effeithlon.
Mae gan y llu strwythur llywodraethu yn ei le i sicrhau bod rheoli perfformiad yn cael ei wneud. Mae hyn yn cynnwys bwrdd perfformiad y llu, cyfarfodydd perfformiad ardal blismona lleol, sy’n cael eu cynnal yn fisol, a chyfarfodydd rheoli dyddiol. Mae’r fforymau hyn yn cael eu cefnogi drwy ddadansoddiad da o sy’n rhoi cipolwg ar bob agwedd o droseddu a’i effeithiau ar gymunedau. Er bod gan fwrdd perfformiad y llu strwythur a chyfrifoldebau clir i aelodau, mae’r cyfarfodydd eraill yn anghyson yn eu dull o weithredu; nid yw’n ymddangos bod camau gweithredu a dilyniant bob amser yn digwydd yn ddigon cyflym.
Mae cynllunio olyniaeth yn ddefnyddiol i gynllunio ar gyfer trawsnewidiadau llyfn o rolau a swyddi allweddol a’u gweithredu. Er bod cyfleoedd gyrfa ar gael i swyddogion a staff yn y llu, mae ganddo fwy o waith i’w wneud i ddeall sgiliau a galluoedd y gweithlu yn well. Byddai hyn yn rhoi darlun manylach i’r llu ac yn ei alluogi i ystyried bylchau o ran sgiliau, penderfyniadau defnyddio a chynllunio olyniaeth.
Yn yr adran hon rydym yn nodi ein prif ganfyddiadau sy’n ymwneud â pha mor effeithlon yw’r llu.
Rheolir llywodraethu cydweithio trwy drefniant Cydweithredu Cymru Gyfan. Mae’n cynnwys tîm bychan sydd wedi ei ariannu gan bedwar llu Cymru er mwyn rheoli cydweithio. Mae ei flaenoriaethau’n cynnwys effeithlonrwydd systemau TG ar gyfer recriwtio, hyfforddi ac adnoddau dynol. Mae cydweithio sefydledig yn cynnwys Uned Eithafiaeth a Gwrthderfysgaeth Cymru, o’r enw Tarian (yr uned troseddau cyfundrefnol ranbarthol), Cyd-Uned Arfau Saethu (Heddlu Dyfed-Powys/Heddlu Gwent/Heddlu De Cymru), Rhaglen Fforensig Cymru Gyfan, Rhaglen Cyswllt Ysgolion Cymru Gyfan a Rhaglen Recriwtio Cymru Gyfan.
Mae’r llu yn gallu mesur y manteision sy’n deillio o gydweithrediadau. O’r ‘Cydweithrediad Gwasanaethau Goleuadau Glas’ a gafodd ei ysbrydoli gan y Swyddfa Gartref, rhaglen genedlaethol sydd â’r nod o wneud £20m o arbedion gan wasanaethau brys, bydd lluoedd Cymru yn arbed £1m bob blwyddyn. Erbyn hyn mae lluoedd Cymru yn arbed £700,000 bob blwyddyn trwy ‘e-recriwtio’ ar y cyd. Tystiolaeth bellach o ymrwymiad y llu at gydweithio proffesiynol yw datblygiad Canolfannau Atgyfeirio Ymosodiadau Rhywiol Cymru gyfan (SARCs). Bydd cydweithrediad diweddaraf y llu ar gyfer ei system rheoli cofnodion newydd hefyd yn gwella effeithlonrwydd.
Mae gan y llu ddealltwriaeth effeithiol o’r galw ym mhob maes. Mae datganiad rheoli’r llu (FMS) yn defnyddio cyfuniad o ddulliau ystadegol ac ansoddol er mwyn penderfynu lefel y risg ar gyfer pob rhan o’r llu. Mae’n hefyd yn rhoi manylion ar beth mae’r llu yn ei wneud i wella gwasanaethau i’r cyhoedd. Mae’r FMS yn mynd â’r darllenydd drwy bethau yn rhesymegol: dadansoddiad o’r galw; nodi pwysau presennol ac yn y dyfodol a fydd yn effeithio ar y gweithlu; penderfynu ar feysydd ar gyfer buddsoddi; ac yna nodi’r risg ar gyfer meysydd nad yw’n gallu ei staffio oherwydd nad oes ganddo’r gyllideb.
Mae’r buddsoddiad y mae’r llu wedi’i wneud wrth ddeall y galw yn gadarnhaol, a gwelsom enghreifftiau o’r llu yn nodi materion lleol a chenedlaethol sy’n dod i’r amlwg a oedd yn caniatáu iddo symud staff o amgylch ardal y llu i ateb y galw. Un enghraifft o hyn yw Ymgyrch Lion, sy’n rheoli’r cynnydd yn y galw a achoswyd gan dwristiaeth yn Ninbych-y-pysgod yn ystod misoedd yr haf.
Mae gan y llu allu ym mhob un o’i ardaloedd plismona lleol i ddelio gyda’i droseddau a’i alw am ddigwyddiadau. Mae hyn yn rhoi darlun blynyddol o gost, oriau a chanran yr amser sy’n cael ei dreulio ar bob math o ddigwyddiad trosedd. Er enghraifft, yn Sir Gaerfyrddin yn 2018/19, y math o droseddu oedd yn digwydd amlaf oedd ymosod yn achosi anaf, a gostiodd £1m ac a gymrodd 21,000 awr, gan lenwi 13 y cant o amser plismona yr ardaloedd plismona lleol oedd ar gael.
Mae gan y llu broses sy’n ystyried pob agwedd ar swyddi gwag yn y gweithlu, ardaloedd risg a phwysau tebygol, ac sy’n amlinellu’r camau sydd i’w cymryd. Mae cysylltiad clir gyda FMS, ond gwelsom fod rhai rhannau o’r llu yn profi pwysau llwythi gwaith, er enghraifft, y tîm ymchwilio ar-lein (POLIT). Yn ddiweddar, bu’r llu yn hysbysebu rolau yn ei hadran ymchwiliadau troseddol (CID), ond ni dderbyniwyd unrhyw geisiadau. Mae’r llu’n gweithio i ddarganfod pam fod swyddogion a staff yn amharod i symud I’r maes ymchwiliadau, tra’n mynd ati i edrych ar atebion.
Mae gan y llu ddealltwriaeth dda o’r galw yn y dyfodol ac mae’n defnyddio gwybodaeth o’i ddadansoddiad data i gychwyn ei fuddsoddiad yn y dyfodol. Er enghraifft, cafodd y tîm troseddau ac asesu digwyddiadau a sefydlwyd yn 2017 ei ddisodli gan brosiect End to End, sydd wedi cael ei ymchwilio’n dda. Bydd y rhaglen waith hon yn gofyn am fonitro a goruchwylio i sicrhau bod y gwaith a’r buddsoddiad yn darparu’r gwelliannau disgwyliedig.
Mae’r llu wedi ystyried ble orau i gael y swyddogion ychwanegol a recriwtiwyd drwy’r rhaglen ymgodiad. Mae popeth mewn lle i gyrraedd ei darged recriwtio. O’r garfan ddyrchafol, cafodd 22 eu recriwtio ym mis Ionawr 2020 a recriwtiwyd 20 arall ym Mehefin 2020. Bydd y cynlluniau presennol yn cyrraedd y targed ymgodiad erbyn Mawrth 2022.
Mae’r llu wedi sicrhau cydbwysedd da rhwng arbedion a buddsoddiadau. Mae’n werth nodi sut mae pwysau galw FMS yn gysylltiedig â thwf ymgodiad ym mhob maes plismona. Mae’r FMS yn dangos ymwybyddiaeth y llu o’i rwymedigaethau i ddarparu gwerth am arian. Mae’r llu’n dangos ymwybyddiaeth o’r ffordd orau o ddefnyddio’r rhaglen ymgodiad i fynd i’r afael â’r galw yn y dyfodol. Mae wedi gwneud buddsoddiad sylweddol mewn plismona bro, wedi’i gychwyn gan ei ddealltwriaeth o’r galw a blaenoriaethau lleol.
Mae cynlluniau ariannol y llu yn uchelgeisiol ac yn sicrhau cydbwysedd da rhwng buddsoddi mewn meysydd sydd angen eu blaenoriaethu a gwneud arbedion o ran effeithlonrwydd. Mae’r cyllidebau refeniw a chyfalaf wedi’u strwythuro tuag at newid sylweddol i sicrhau gwelliannau i wasanaethau a gwneud arbedion.
Mae’r llu wedi amlinellu yn yr FMS lle y bydd yn gwneud buddsoddiad ychwanegol i gadw i fyny â’r galw y mae wedi’i gydnabod. Bwriad y llu yw cynyddu ei weithlu (y tu hwnt i ddyraniad codiad yr heddlu o 84 o swyddogion) i roi adnoddau i’r blaenoriaethau a amlinellir yn yr FMS. Bydd angen twf o £6m yn y gweithlu ar gyfer hyn. Mae’r prif feysydd twf yn cynnwys ymateb, ymchwiliadau a staffio yng nghanolfan gyfathrebu’r llu.
Mae’r llu’n buddsoddi mewn ystadau ac asedau, a fydd yn gwella gwasanaethau ac effeithlonrwydd. Mae hyn yn cynnwys buddsoddiad o £18m i ganoli cyfleusterau dalfa yn Sir Gaerfyrddin, buddsoddiad o £8m mewn cyfleuster hyfforddi ar gyfer y Cyd-Uned Arfau Saethu (a rennir gyda Heddlu Gwent a Heddlu De Cymru), gorsaf heddlu newydd (neu wedi’i hadnewyddu) yn Aberhonddu, gosod system rheoli cofnodion newydd (NICHE), uwchraddio offer camerâu corff, a gosod cerbydau fflyd newydd, a fydd yn cynnwys 18 o gerbydau trydan.
Mae gan y llu hanes da o gyflawni arbedion a gwella effeithlonrwydd. Ers cyflwyno cyfyngiadau cyllidebol yn 2010/11, mae’r llu wedi gwneud dros £30m o arbedion. Mae hyn yn cynrychioli tua chwarter ei chyllideb refeniw bresennol o £119m.
Mae’r llu wedi cryfhau ei ffordd o reoli gwelliannau gwasanaethau, cynhyrchiant ac effeithlonrwydd, ac mae’r rhain i’w gweld yn gweithio’n effeithiol. Er enghraifft, mae’r grŵp cyllid ac effeithlonrwydd yn monitro ‘cofrestr presenoldeb buddion’ i olrhain cynnydd yr holl welliannau gwasanaethau. Mae buddion yn cael eu categoreiddio o dan benawdau penodol, megis gwella prosesau, arbedion ariannol ac ansawdd y gwasanaeth. Gwnaeth y gofrestr olrhain gwelliannau i sicrhau £80,000 o gyllid grant ar gyfer canolfan bregusrwydd y llu. Defnyddir y cyllid hwn i gaffael dyfeisiau tagio sydd wedi’u cynllunio i gynnal gwahanu corfforol rhwng dioddefwyr bregus a’u cam-drinwyr.
Ar hyn o bryd, mae’r llu yn gweithredu cynlluniau i wella gwasanaethau drwy ddefnyddio technoleg. O raglen gyfalaf deng mlynedd gwerth £86m y llu, neilltuir £25m ar gyfer gwella technoleg. Mae’r ffocws ar hyn o bryd ar osod system rheoli cofnodion newydd, radios newydd, uwchraddio i offer fideo wedi’i wisgo ar y corff, a chyflwyno Office 365 ar gyfrifiaduron yr heddlu fel rhan o’r rhaglen genedlaethol. Mae ymchwil a datblygiad y dyfodol yn rhan o raglen Cymru Gyfan ac yn cynnwys deallusrwydd artiffisial, cyfieithu/trawsgrifio, adnabod llais, dadansoddeg fideo a chydweithio mewn ystafelloedd rheoli.
I gyfieithu’r cynnwys hwn i’r Gymraeg, defnyddiwch y botwm Cymraeg frig y dudalen ar y chwith.
Data in this report is from a range of sources, including:
When we collected data directly from police forces, we took reasonable steps to agree the design of the data collection with forces and with other interested parties such as the Home Office. We gave forces several opportunities to quality assure and validate the data they gave us, to make sure it was accurate. We shared the submitted data with forces, so they could review their own and other forces’ data. This allowed them to analyse where data was notably different from other forces or internally inconsistent.
We set out the source of this report’s data below.
British Transport Police was outside the scope of inspection. Any aggregated totals for England and Wales exclude British Transport Police data, so will differ from those published by the Home Office.
When other forces were unable to supply data, we mention this under the relevant sections below.
We compare each force’s crime rate with the average rate for forces in its most similar group (MSG). MSGs are groups of similar police forces, based on analysis of demographic, social and economic factors which relate to crime. We could not identify any forces similar to City of London Police. Every other force has its own group of up to seven other forces which it is most similar to.
An MSG’s crime rate is the sum of the recorded crimes in all the group’s forces divided by its total population. All of the most similar forces (including the force being compared) are included in calculating the MSG average.
More information about MSGs can be found on our website.
The dotted lines on the Bar Charts show one Standard Deviation (sd) above and below the unweighted mean across all forces. Where the distribution of the scores appears normally distributed, the sd is calculated in the normal way. If the forces are not normally distributed, the scores are transformed by taking logs and a Shapiro Wilks test performed to see if this creates a more normal distribution. If it does, the logged values are used to estimate the sd. If not, the sd is calculated using the normal values. Forces with scores more than 1 sd units from the mean (i.e. with Z-scores greater than 1, or less than -1) are considered as showing performance well above, or well below, average. These forces will be outside the dotted lines on the Bar Chart. Typically, 32% of forces will be above or below these lines for any given measure.
For all uses of population as a denominator in our calculations, unless otherwise noted, we use ONS mid-2019 population estimates.
We surveyed the police workforce across England and Wales, to understand their views on workloads, redeployment and how suitable their assigned tasks were. This survey was a non-statistical, voluntary sample so the results may not be representative of the workforce population. The number of responses per force varied. So we treated results with caution and didn’t use them to assess individual force performance. Instead, we identified themes that we could explore further during fieldwork.
Our victim service assessments (VSAs) will track a victim’s journey from reporting a crime to the police, through to outcome stage. All forces will be subjected to a VSA within our PEEL inspection programme. Some forces will be selected to additionally be tested on crime recording, in a way that ensures every force is assessed on its crime recording practices at least every three years.
Details of the technical methodology for the Victim Service Assessment.
We took data on crime outcomes from the April 2022 release of the Home Office police-recorded crime and outcomes data tables.
Total police-recorded crime includes all crime (except fraud) recorded by all forces in England and Wales (except BTP). Home Office publications on the overall volumes and rates of recorded crime and outcomes include British Transport Police, which is outside the scope of this HMICFRS inspection. Therefore, England and Wales rates in this report will differ from those published by the Home Office.
Police-recorded crime data should be treated with care. Recent increases may be due to forces’ renewed focus on accurate crime recording since our 2014 national crime data inspection.
For a full commentary and explanation of crime and outcome types please see the Home Office statistics.
We collected this data directly from all 43 police forces in England and Wales. This data is as provided by forces in May 2021.
SYLWCH: Mae’r holl ddolenni yn y deilsen hon yn mynd â chi i dudalen Saesneg, defnyddiwch y botwm Cymraeg ar frig y dudalen ar y chwith i gyfieithu’r dudalen i’r Gymraeg.
I gyfieithu’r cynnwys hwn i’r Gymraeg, defnyddiwch y botwm Cymraeg frig y dudalen ar y chwith.
Dyfed-Powys PEEL assessment 2021/2022
You can find more about Dyfed-Powys Police on our dedicated force page.
The force area’s 518,062 residents are spread over 4,188 square miles, which is over half the land mass of Wales.
The four counties that make up the force area have a vibrant tourist industry that draws large numbers of visitors each year.
Find out more about HMICFRS’s work and other inspection areas.
Find out how well other forces have performed during their PEEL assessment.
You can view the recommendations for all forces made by HMICFRS on our Progress against recommendations page. This shows how much progress has been made on these recommendations.
